Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба аҳолии зарардида аз офатҳои табиӣ ҳамроҳ бо Барномаи ҷаҳонии озуқавории СММ дар ҶТ ба сокинони аз сел осебдида кумак расонидааст.
Бино ба иттилои ин ниҳод, аз ҷумла, ба 42 хонавода дар деҳаи Ёзғанд, ҷамоати деҳоти Тавилдараи ноҳияи Сангвор маҳсулоти хӯрокворӣ - ба ҳар оила 50 кг орд, 2 литр равғани растанӣ ва 5 кг нахӯд расонида шудааст.
Кумакҳо дар ҳузури Комиссияи ҳолатҳои фавқулодаи ноҳия ва кормандони масъули КҲФ ба ниёзмандон тақсим карда шудаанд.
