Рӯзҳои наздик дар роҳи Душанбе-Чанок хатари фаромадани тарма вуҷуд дорад

Рӯзҳои наздик дар шоҳроҳи Душанбе–Чанок эҳтимоли фаромадани тарма вуҷуд дорад. Дар ин бора Агентии ҳавошиносии Тоҷикистон хабар додааст.

Гуфта мешавад, ки аз 27-уми феврал то 2-юми март дар чанд минтақаи Тоҷикистон хатари фаромадани тарма вуҷуд дорад. Агентии ҳавошиносӣ таъкид кардааст, ки хатари фаромадани тарма дар шоҳроҳи Душанбе–Чанок, бахусус минтақаҳои тармафарои Майхура, Зидеҳи ноҳияи Варзоб, ҳамзамон, дар ноҳияҳои кӯҳии тобеъи ҷумҳурӣ ва ғарби ВМКБ зиёд аст.