Вазорати фарҳанги Тоҷикистон хабар дод, ки аз 25 то 29-уми апрели соли равон Рӯзҳои фарҳанги Тоҷикистон дар Чин баргузор мешавад.
Гуфта мешавад, ки барномаи фарҳангӣ бо иштироки устодони санъати тоҷик ва ҷавонони болаёқат дар Пекин ва Сиан баргузор мегардад.
Ба ин муносибат чорабиниҳо, консертҳо, намоишгоҳҳои санъати амалии халқӣ, намоиши филмҳо ва вохӯриҳои эҷодӣ, ки ба таҳкими робитаҳои фарҳангии байни ду кишвар равона гардидаанд, баргузор мешаванд.
