Ситораи муосири футбол, ҳамлагари “Ан-Наср”-и Саудӣ Криштиану Роналду дар Эрон барои ба оғӯш гирифтану бӯсидани мухлисаш муҷозот мешавад.

Тибқи қарори додгоҳ дар ғайби варзишгар, агар Роналду дубора ба ин кишвар биёяд, ӯро 100 шаллоқ мезананд.

Тибқи иттилои расонаҳои маҳаллии ин кишвар, ин тасмим ба далели рафтори номуносиби варзишгар аз нигоҳи қонунгузории Эрон гирифта шудааст, зеро пеш аз бозии “Ан-Наср” бо “Персеполис” Роналду ба дидори мухлиси ҳунармандаш бо номи Фотима рафту ӯро ба оғӯш гирифта, аз сараш бӯсид.

Ин рафтору ӯ дар ин кишвари исломӣ “зинои шахси муҷаррад” ҳисоб мешавад ва ҷазояш 100 шаллоқ аст.

Фотима як зани ҳунарманди маъюб ва яке аз мухлисони ашаддии бозигар аст, ки барои Роналду дар қолин аксашро дӯхта буд.