Баъд аз бартарафсозии тармаҳо, ки калонтарини он шаби гузашта дар километри 49-ум фаромада, 20 метр баландӣ ва қариб 100 метр паҳноӣ доштааст, соати 03:53-и имрӯз, 12-уми феврал роҳи Душанбе-Чаноқ кушода шудааст.
Бино ба иттилои ширкати масъули нигоҳубини ин масир - IRS, қатори аввали мошинҳо бо роҳнамоии кормандони ширкат ва масъулини БДА ВКД аз самти Хуҷанд ҷониби шаҳри Душанбе ҳаракат кардаанд.
Гуфта мешавад, ки дар наздиктарин фурсат ҳаракати автомобилҳо ба ҳарду самт имконпазир хоҳад гардид.
