Зебинисо Исмоилова, дастпарвари маҳфили «Рақс»-и Муассисаи давлатии «Маркази кӯдакон ва наврасони шаҳри Душанбе» дар Фестивал-озмуни XII байналмилалии санъати «ZHETI ONER - TASHKENT» сазовори ҷойи якум ва ҷоизаи олӣ - GRAND PRIX гаштааст.
Тавре Муассисаи давлатии «Маркази кӯдакон ва наврасони шаҳри Душанбе» хабар додааст, Зебинисо Исмоилова ҳамчунин бо унвони фахрии «БЕҲТАРИНИ ОСИЁ-2026» (AZIA ÜZDIGI - 2026) сазовор гашта, бо Ҷоизаи махсус қадрдонӣ карда шудааст.
Зебинисо таҳти роҳбарии омӯзгорони соҳибтаҷрибаи маҳфили «Рақс» Машҳура Ҳакимова ва Хуҷакмар Кабиров ба фестивал омодагӣ дида, ба чунин дастовард ноил гаштааст.
