Дар бадали шаш моҳи соли равон барои риоя накардани Қонун “Дар бораи масъулият дар таълиму тарбияи кӯдак” зиёда аз ҳафт ҳазор падару модарон ва дигар шахсони онҳоро ивазкунанда ба маблағи зиёда аз панҷ миллион сомонӣ ҷарима карда шудаанд.  

Дар ин хусус раиси Суди Олии Тоҷикистон Мирзозода Рустам Пираҳмад зимни нишасти матбуотӣ хабар дода, гуфт: “Дар ин давра дар судҳои ҷумҳурӣ 8392 парвандаҳои маъмурӣ ҷиҳати вайрон кардани Қонун “Дар бораи масъулият дар таълиму тарбияи кӯдак” мавриди баррасӣ қарор гирифта, 7224 нафар ба маблағи умумии 5 миллиону 731 ҳазору 318 сомонӣ ҷарима баста шудаанд“.

Тавре масъулини ин ниҳод гуфтанд, бештари қонуншиканиҳо ба монеъ гаштани волидон ба гирифтани таҳсилоти миёнаи умумӣ рабт доштаанд.