Дар ҷамоати шаҳраки Зарафшони ноҳияи Айнӣ бо иштироки раиси вилояти Суғд Раҷаб Аҳмадзода ба сохтмони майдони Парчами давлатии Ҷумҳурии Тоҷикистон санги асос гузошта шуд.
Бино ба иттилои дафтари матбуоти раиси вилояти Суғд, майдони Парчами давлатӣ бо саҳми Корхонаи фаръии «Шахтаи Фон-Яғноб» дар шаҳраки Зарафшон-2 бунёд ёфта, дар баландии 30 метр парафшон хоҳад шуд.
Гуфта мешавад, ки тибқи лоиҳа, майдон бо фаввораҳои зебо, гулгаштҳо ва нишастгоҳҳо оро ёфта, ба яке аз ҷойҳои ҷолибу дӯстдоштанӣ ва сайри шомгоҳии сокинон табдил хоҳад ёфт.
