Калонсолонамон мегуфтанд, ки бо оби офтоб таҳорат кардан макруҳ аст, касе, ки бо чунин об ғусл намояд, пес мешавад. Имрӯзҳо одамони зиёдеро мебинам, ки бо оби офтоб таҳорату ғусл мекунанд. Оё бо чунин об таҳорат кардан ҷоиз аст?
Фаттоҳ, н. Қумсангир
Посух
Бале, бо оби дар офтоб гузошташуда таҳорат кардан ҷоиз аст. Баъзеҳо то ҳол бар он андешаанд, ки бо оби дар офтоб гармшуда таҳорат кардан боиси пайдоиши бемории сафедпӯстӣ, ки онро пес ҳам мегӯянд, мегардад, вале ин баҳси фиқҳӣ набуда, танҳо баҳси тиббӣ аст. Илми тиб агар истифода бурдани оби дар офтоб гармшударо манъ кунад, албатта набояд онро истифода бурд, вале то ҷое, ки мо огоҳӣ дорем, алҳол тиб дар ин бора чизе нагуфтааст.
