Тирамоҳ бо омаданаш ба кошонаи ҳар яки мо файзу баракат меорад. Ин рӯзҳо мисли сабзавотҳои тару тоза зудгузаранд, аз ин лиҳоз, бо истифода аз меваву сабзавот барои тароват бахшидан ба ҳусну ҷамолатон ниқобҳои фоидабахш омода созед.

Барои пӯсти хушк чунин ниқоб тавсия дода мешавад: 2 қошуқ оби помидорро бо 2 қошуқ орд омехта намуда, ба рӯятон моледу бо дока пӯшонда, 15-20 дақиқа нигоҳ доред, сипас бо оби ширгарм рӯй шӯед.

Ниқоб барои пӯсти мӯътадил: як дона помидори кӯфтаро бо 2 қошуқ фалла (творог), 1 қошуқ шир ва 1 қошуқ равғани офтобпараст якҷоя кунед. Маҳлулро ба рӯятон молида 15-20 дақиқа нигоҳ дореду баъдан бо оби ширгарм шӯед.