Имсол дар Тоҷикистон яке аз ҷашнҳои мусалмонони дунё - Иди Қурбон рӯзи 31 июл, рӯзи ҷумъаи ҳафтаи оянда таҷлил карда мешавад. Дар ин бора як манбаъ аз Шӯрои уламои Маркази исломии кишвар ба “Sputnik Тоҷикистон” иттилоъ додааст.
Ба иттилои манбаъ, дар назар аст, ки имсол Иди Қурбон 31 июл, рӯзи ҷумъа таҷлил карда шавад.
Манбаъ гуфт, ки дар бораи таҷлили рӯзи ид фардо дар ҷаласаи навбатии Шӯрои уламои Маркази исломии Тоҷикистон расман санаи баргузорӣ эълон мешавад.
“Ба эҳтимоли зиёд бинобар сабаби коронавирус намози Иди Қурбон низ бе иштироки ҷамоат дар хонаҳо доир мегардад. Дар ин бора низ қарори дахлдори Шӯрои уламо фардо бароварда хоҳад шуд”, - гуфт ӯ.
