Муассиси клуби сайёҳии «ДайДушки» Ҷаъфар Осимов дар осоишгоҳи лижаронии Сафед-Дара зери тарма монда, даргузаштааст.

Кумитаи ҳолатҳои фавқулодаи кишвар хабар додааст, ки номбурда 25-уми январ ҳангоми лижаронӣ бо дӯстонаш, дар пайи риоя нашудани чораҳои бехатарӣ зери тарма мондаанд. Ду нафар тавонистаанд аз зери тарма берун шаванд. Аммо вақте наҷотдиҳандагон Ҷаъфар Осимовро пайдо кардаанд, алакай фавтида будааст.

Гуфта мешавад, ки дӯстони Ҷаъфар Осимов бо ҷароҳатҳои сабук ба бемористон интиқол дода шудаанд.