Аз 16-уми июн миёни шаҳрҳои Душанбе ва Пекин парвозҳои мустақим оғоз мегарданд.

Бино ба иттилои Агентии авиатсияи граждании кишвар, ин парвозҳо ҳафтае ду маротиба - рӯзҳои сешанбе ва шанбе аз ҷониби ширкати ҳавопаймоии «China Southern Airlines» амалӣ мешаванд.

Хатсайри мазкур бо ибтикори ҷониби Тоҷикистон бо мақсади густариши ҳамкорӣ бо Чин дар самти авиатсияи гражданӣ ифтитоҳ карда шуд. Ин иқдом дар доираи сафари давлатии Си Ҷинпин ба Тоҷикистон моҳи июли соли 2024 баррасӣ шуда буд.