Дишаб, соати 23:37 дар пайи чаппа шудани қаиқ дар “Кӯли ҷавонон” як ҷавони 26-солаи пойтахт ғарқ шуда, фавтидааст.
КҲФ гуфт, ки ин ҷавон ҳамроҳи 6 нафари дигар савори қаиқи тафреҳӣ нисфи шаб дар “Кӯли ҷавонон” сайр мекарданд ва ҳангоми гардиш бо суръати баланд қаиқ чаппа шудааст.
Ин ниҳод гуфт, ки аз 7 нафар 6 ҷавонро кормандони тарабхонаи «Latina-Dushanbe» наҷот додаанд, вале яке аз ҳамроҳонашон ғарқ шуда, фавтидааст. Имдодгарони КҲФ соати 00:55 дақиқа ҷасади ӯро пайдо намуда, ба кормандони милитсия супурдаанд.
