Ман мунтазири ба дунё овардани фарзандони дугоник ҳастам ва ҳоло ҳомилаам. Донистан мехостам, ки маблағи рухсатӣ (декретной), кумакпулӣ аз рӯи суғуртаи давлатии иҷтимоӣ ва ширпулӣ барои як фарзанд пардохт карда мешавад ё ҳарду фарзанд алоҳида?

ФАРЗОНА, ш. Бӯстон

Посух:

- Тибқи талаботи моддаи 224-и Кодекси меҳнати Ҷумҳурии Тоҷикистон баъд аз ба охир расидани рухсатӣ барои ҳомиладорӣ ва таваллуд бо хоҳиши зан барои нигоҳубини кӯдак то ба синни як солагию шашмоҳагӣ расидани ӯ рухсатӣ дода, дар ин давра аз ҳисоби маблағҳои суғуртаи давлатии иҷтимоӣ кӯмакпулӣ дода мешавад, аммо қонунгузорӣ барои ду ва се кӯдак муайян накардааст, ки кӯмакпулӣ чӣ қадар дода мешавад.