Ҳукумати Британияи Кабир тасмим гирифтааст, ки истифодаи шабакаҳои иҷтимоиро барои кӯдакон ва наврасони то 16-сола манъ намояд. Дар ин бора The Times хабар додааст.

Гуфта мешавад, ки Ҳукумати Британияи Кабир аллакай ҳамин сол, аниқтараш аз аввали тобистони соли 2026 истифодабарии шабакаҳои иҷтимоиро барои кӯдакон ва наврасон маҳдуд хоҳад кард. Аз ҷумла дар истифодаи телефон “вақти комендантӣ” ҷорӣ карда шуда, ворид гаштани кӯдакону наврасон ба шабакаҳои иҷтимоӣ ба пуррагӣ манъ ва дастрасии афроди то 16-сола ба лентаи хабарҳо маҳдуд мегардад.

Айни замон мақомдорони ин кишвар роҳҳои маҳдуд намудани муоширати наврасон бо чатботҳо ва имкони бастани дастрасӣ ба VPN-ро баррасӣ карда истодаанд.