- Баъд аз бартараф шудани монеаҳои бавуҷудомада ҳаракати автомобилҳои боркаши ядакдор ва фураҳо, ки субҳи имрӯз дар роҳи Душанбе - Чаноқ муваққатан маҳдуд гардида буд, иҷозат дода шуд,- хабар медиҳад дафтари матбуоти IRS.

Гуфта мешавад, ки ҳоло ҳаракати тамоми намуди нақлиёт тавассути ин роҳ имконпазир аст.

Қаблан ин ширкат аз муваққатан маҳдуд шудани ҳаракати автомобилҳои боркаши ядакдор ва фураҳо бинобар бориши пуршиддати барф ва шамоли сахт дар баъзе қитъаҳои роҳи Душанбе - Чаноқ хабар дода буд.