Боришоти рӯзҳои охир боиси тира гаштани об дар обанбори Варзоб гаштааст. Бо ҳамин сабаб ба сокинони баъзе минтақаҳои пойтахт оби нӯшокӣ бо фишори нисбатан пасттар дода мешавад.
Ба иттилоъи шаҳрдорӣ мақсад аз ин иқдом тоза ва безараргардонии оби нӯшокӣ барои истифодабарандагон буда, муваққатан ба сокинони ноҳияи Исмоили Сомонӣ, қисме аз минтақаҳои ноҳияи Шоҳмансур, Сино-2 (маҳаллаҳои 82, Испечак, Зарафшон то пули комбинати равған) об бо фишор ва суръати нисбатан пасттар дода мешавад.
Аз сокинони пойтахт хоҳиш карда шудааст, ки ба таҳлука наафтанд, зеро ин чораи муввақатӣ буда, баъди тоза шудан оби нӯшокӣ боз бо фишори пештарааш интиқол меёбад.
