Дар Боғи фарҳангӣ-фароғатии ба номи Абулқосим Фирдавсӣ рӯзи 1-уми май маросими ҷоизасупорӣ ба ғолибони даври ҷумҳуриявии озмуни «Сайри гули лола» баргузор мегардад.

Ғолибони фестивал бо Шоҳҷоиза (Гран-при), дипломҳои дараҷаи 1, 2, 3 ва шахсони ташаббускор, роҳбарони корхона, муассиса ва дигар ташкилот, ки дар он фаъолона иштирок менамоянд, бо «Ифтихорнома» ва «Сипоснома»-и Кумитаи рушди маҳали назди Президенти Ҷумҳурии Тоҷикистон қадрдонӣ мешаванд.

Дар ин бора “Ховар” маълумот дода, суратгузоришеро аз кӯчаю хиёбонҳои пойтахт нашр намудааст.