Президенти Ҷумҳурии Тоҷикистон Эмомалӣ Раҳмон дирӯз, 19-уми феврал фармони даъвати баҳорӣ ба Артиши миллиро имзо кард.

Дар асоси он ҷавонони синну солашон аз 18 то 27-сола (солҳои таваллуди 1998-2007) дар ин мавсим ба сафи Қувваҳои Мусаллаҳ ҷалб мешаванд.

Даъвати баҳорӣ аз 1-уми апрел оғоз шуда, то 31-уми май идома меёбад.

Шахсоне, ки хидмати ҳарбиро тамом кардаанд, дар моҳҳои апрел-майи соли 2025 аз сафи Қувваҳои Мусаллаҳи кишвар ба эҳтиёт рухсат дода мешаванд.

Фармони Президенти Ҷумҳурии Тоҷикистон дар мавриди даъвати ҳарбии баҳорӣ имсол дар муқоиса ба солҳои пеш тақрибан як моҳ пештар имзо карда шуд.