Дирӯз дар Варзишгоҳи марказии шаҳри Душанбе “Чемпионати Тоҷикистон оид ба футбол байни дастаҳои духтарони то 17-сола” ҷамбаст шуда, тими духтарони футболбози “Душанбе”-и шаҳри Душанбе сазовори ҷойи аввал гашт.
Мусобиқа моҳи майи соли 2025 оғоз ёфта, дар он 15 дастаи духтарони футболбоз аз 3 минтақаи кишварамон иштирок ва рақобат намуданд. Тими духтарони футболбози зери синни 17-солаи шаҳри Душанбе дар доираи ин мусобиқа 12 бозӣ гузаронида, дар 11 бозӣ ғалаба ба даст овардааст.
Аз байни 15 даста ба даври нимфиналии мусобиқа танҳо 4 даста роҳхат гирифтанд. Дар даври финалии мусобиқа тими духтарони футболбози зери синни 17-солаи “Душанбе” чемпиони 5-каратаи Тоҷикистон - дастаи “Бишкент”-и ноҳияи Носири Хусрав ва тими “Бунҷикат”-и Суғдро мағлуб намуда, сазовори ҷойи аввал гардид.
Дарвозабони тими “Душанбе” Нозофарин Иброҳимова” Беҳтарин дарвозабон”, Камила Расулова “Беҳтарин нимҳимоятгар” ва Сайёра Саидова “Беҳтарин мураббии U17” эълон шуданд.
