Ҷулисса Остини 30-сола аз шаҳри Ҳюстони иёлоти Техаси Амрико ҳамагӣ 1 метр қад дорад ва аз модар бе дасту қисман бе пой ба дунё омадааст. Духтар худро танҳо ҳис мекард, то замоне ки бо Ҷонатан Шортер вохӯрд. Ҷонатан марди комилан солим мебошад. Ин ҷуфти ғайриодӣ 13 сол мешавад, ки муносибатҳои ошиқона доранд ва тӯяшон тобистони имсол дар назар аст. Ҷулисса ба маъюбиаш нигоҳ накарда, корхонаи бофандагӣ дорад ва мустақилона аз ӯҳдаи корҳои зиёде баромада метавонад. Ҷавонон ҳамдигарро дӯст медоранд.