Ҷавонеро дӯст медоштам, ӯ низ худро ошиқи шайдо метарошид. Вақте ки падару модараш ба хонаамон хостгорӣ омаданд, ман худро хушбахттарин духтари олам тасаввур мекардам, вале баъди рафтанашон фаҳмидам, ки онҳо на ман, балки хоҳарамро хостгорӣ кардаанд.

Ин хабар дунёро дар назарам ба шаби тираву торе мубаддал намуд, ки дар осмонаш ягон ахтар намедурахшад. Чашмонам аз гиряи зиёд камнур гардиданд.

Ҳарчанд талош кардам, натиҷа надод. Ошиқи ба қавли худаш шайдо хомӯширо ихтиёр кард. Ҳамин тавр хоҳарамро бо ошиқи ман тӯй карданд.

Наметавонам ба хабаргии хоҳарам равам, чунки хушбахтии онҳоро дида, аз рашк дармегирам. Илтимос ба ман маслиҳат диҳед, чи кор кунам?

З, аз шаҳри Норак