Шаш сол пеш ҷавонеро дӯст дошта, бо ишқу ошиқӣ ба шавҳар баромадам, вале зиндагии якҷояи мо ҳамагӣ 3 сол давом кард. Шавҳарам маро дар ҳақиқат дӯст медошту ба қавле рӯйи даст бардошта мегашт.

Меҳрубониҳои писараш рашки хушдоманамро оварданд магар, ки байнамон низоъ андохта, оқибат оилаи хушбахти моро вайрон кард. Баъди талоқамро гирифтан бо ду фарзанд дар нимароҳи зиндагӣ ҳайрону зор мондан нахоста, ҳуҷҷатҳоямро ба ДДҚ супоридам. Шавҳарам дар бадали се сол боре аз ҳоли ману фарзандонам хабар нагирифта буд. Хабари зан гирифтану фарзанддор шуданашро шунида, кайҳо умедамро аз ӯ канда будам, вале имрӯз дубора пайдо шуда, зорӣ карда истодааст, ки аз падару модараш пинҳонӣ никоҳ карда, зиндагиамонро идома диҳем.

Собиқ шавҳарам мехоҳад маро зани дуюм карда гирад. Ростӣ, ҳайрон мондаам, ки чӣ кор кунам. Азобҳои аз дасти хушдоман кашидаам ҳанӯз аз ёдам нарафтаанд, вале аз тарафи дигар фарзандони маро ягон марди дигар мисли падари худашон дӯст дошта наметавонад.

Фейсбукиёни азиз, ниёз ба дастгирии шумо дорам. Илтимос, ба ман маслиҳат диҳед!