Дар як садамаи фоҷиабор дар вилояти Хатлон падари ҷавоне бо ду тифли хурдсолаш ҷон бохта ва танҳо яке аз онҳо зинда мондааст.
Вазорати корҳои дохилии Тоҷикистон хабар додааст, ки садама шоми 9-уми январ дар ҳудуди ҷамоати Кайқубоди ноҳияи Қубодиён ба вуқуъ пайвастааст. Ба гуфтаи вазорат, Ҷӯрабек Сафарови 32-сола ҳангоми ҳаракат дар мошин аз уҳдаи идораи мошин набаромадааст ва дар натиҷа мошин ба канал ва ё наҳри назди хонаашон чаппа шудааст.
Дар ин фалокат худи падар ва тифлони 4-сола ва 2-солааш Абдулло ва Яҳё дар ҷойи ҳодиса ҷон бохтаанд ва писари бузургӣ Муҳаммад захм бардошта, дар шифохона бистарӣ шудааст.
