Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон бо мақсади таъмини бехатарии ҳаракат дар роҳ ва пешгирии ҳодисаҳои роҳу нақлиёт бо иштироки кӯдакону наврасон аз 30-юми август то 10-уми сентябр дар ҷумҳурӣ амалиёти «Бачаҳо» доир менамояд.
Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон аз тамоми шаҳрвандони ҷумҳурӣ даъват ба амал овардааст, ки дар гузаронидани амалиёти навбатии «Бачаҳо» фаъол бошанд.
Тавре аз ин ниҳод таъкид кардаанд, шаҳрвандон дар ин давра бояд талаботи қоидаҳои ҳаракат дар роҳро риоя намуда, ҳаёти худ ва дигаронро зери хатар нагузоранд.
