Аз 14 то 23-юми сентябр дар қаламрави Тоҷикистон амалиёти «Автобус» баргузор мешавад.

Тавре аз Раёсати бозрасии давлатии автомобилии Вазорати корҳои дохилии Ҷумҳурии Тоҷикистон хабар доданд, амалиёт дар доираи нақша-чорабиниҳои мақсадноки «Назорат» роҳандозӣ шудааст. Ҳадафи асосии амалиёт пешгирии ҳодисаҳои роҳу нақлиёт, баланд бардоштани сатҳи хизматрасонӣ ба мусофирон, санҷиши ҳолати техникии воситаҳои нақлиёт ва назорати риояи қоидаҳои ҳаракат дар роҳ мебошад.

Дар доираи амалиёт эҳтимол аст таваҷҷуҳи бештар ба фаъолияти воситаҳои нақлиёти мусофирбар, ҳолати техникии онҳо ва риояи талаботи бехатарӣ равона карда шавад.