Дар шаҳри Душанбе нисбати марди 27-сола бо гумони расонидани зарари вазнин ба саломатии инсон парвандаи ҷиноятӣ оғоз шудааст.
Тибқи маълумоти мақомоти ҳифзи ҳуқуқ, Гулов Умед, сокини шаҳри Душанбе рӯзи 26-уми август дар манзили истиқоматиашон, воқеъ дар маҳаллаи Сарикиштӣ бо ҳамсари падараш муноқиша кардааст. Гуфта мешавад, ки зимни муноқиша ӯ занро мавриди латукӯби шадид қарор додааст. Дар натиҷа ҷабрдида ҷароҳатҳои вазнини ҷисмонӣ бардошта, дар беморхона бистарӣ шудааст.
Дар робита ба ин ҳодиса дар ШВКД-1 дар ноҳияи Фирдавсӣ нисбати Гулов У. тибқи талаботи моддаи 110-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардидааст.
