Дар ҳудуди шаҳри Душанбе қариб 70 ҳоҷатхонаи сайёр (биотикӣ) насб шудааст. Шумори зиёди ин ҳоҷатхонаҳоро дар маконҳое, ки тамринҳои роҳпаймоӣ (маршировка) ба муносибати ҷашни 35-солагии Истиқлоли давлатӣ мегузарад, насб кардаанд.
Дар ин бора аз шуъбаи беҳдошти коммуналии Маркази назорати давлатии ҳамагиршиносӣ (эпидемиологӣ)-и шаҳри Душанбе иттилоъ додаанд.
То кунун дар пойтахт 69 ҳоҷатхонаи сайёр насб шудааст ва асосан дар баргузории чорабиниҳои давлатӣ аз онҳо истифода мебаранд.
Ҳоҷатхонаҳо дар маконҳои зерин насб шудаанд:
- дар “Наврӯзгоҳ”-и пойтахт (кӯчаи Таҳмос 377) - 20 адад;
- дар майдони “Истиқлол” (хиёбони Рӯдакӣ 111) - 20 адад;
- дар Донишгоҳи тиббӣ (назди шаҳраки тиббӣ) - 5 адад;
- дар варзишгоҳи “Авиатор” (дар ноҳияи И. Сомонӣ) - 6 адад;
- дар қисми низомии минтақаи маҳаллаи “Якум Советский” - 10 адад.
