Дар Донишгоҳи миллии Тоҷикистон
ихтисоси зеҳни сунъӣ пайдо шуд
Донишгоҳи миллии Тоҷикистон барои омода намудани мутахассисон аз рӯйи 12 ихтисоси нав дар зинаи бакалавр иҷозатнома гирифтааст. Дар ин бора ректори донишгоҳ муҳтарам Эмомалӣ Насриддинзода зимни нишасти матбуотӣ хабар дода гуфт:
-12 ихтисоси наве, ки минбаъд аз рӯйи ин ихтисосҳо донишгоҳ муттахассони ҷавонро омода месозад, зеҳни сунъӣ, системаҳои иттилоотӣ ва технология, технологияи иттилоотии ҳисоби бухгалтерӣ, таъмини ҳуқуқии муқовимат бо коррупсия, таърих, забони хориҷӣ бо нишон додани забони таҳсил, иқтисодиёт ва идора дар корхонаҳои хурду миёна, молия ва қарз дар фаъолияти иқтисоди берунӣ, геология-сохтмони иншоотҳои гидроэнергетикӣ ва нақбҳо, моделиронии математикӣ, хадамоти гумрукӣ, сиёсат ва робита бо ҷомеа мебошанд. Ба ин ихтисосҳо талабот дар бозори меҳнат хеле зиёд аст.
