Вақтҳои охир ба баъзе ҷанозаҳо рафта мебинам, ки дар болои сари мурда гул, райҳон, пудина гузоштаанд. Пештар мо инро танҳо дар кино медидем, вале одамони одӣ ҳеҷ гоҳ мурдаро бо гулу райҳон оро намедоданд.
Аз ҳамин хотир, ба шумо муроҷиат намудам, то фаҳмам, ки мурдаро бо гулу райҳон зебу зиннат додан аз нигоҳи дини мубини ислом ҷоиз ҳаст ё не?
Марҷонаи Файз, ш. Душанбе.
Посухи доумулло Ҷамолиддини Хомӯш
Инсон, хоҳ мурда бошад, хоҳ зинда, шараф дорад. Гулу райҳон, агар ба хотири уфунат аз ӯ хориҷ нашудан гузошта шавад, зарар надорад. Дар ҳавои гарм агар дар маитхона бӯйи ғализ паҳн шавад, гузоштани гиёҳҳои хушбӯйкунанда ҷоиз аст.
