Бозори “Гулистон”-и Панҷакентро ба ҷойи дигар мекӯчонанд
Бозори “Гулистон” (Латтабозор)-и шаҳри Панҷакентро ба ҷойи дигар мекӯчонанд.
Бино ба иттилои мақомоти шаҳри Панҷакент, бозори нав дар масоҳати 780 метри мураббаъ бунёд шуда, дорои 400 нуктаи савдо ва хизматрасонӣ хоҳад буд.
Бозори нав дар бинои собиқ корхонаи консервабарории “Шарбат” бунёд шуда истодааст.
Ёдовар мешавем, ки сӯхтор дар бозори “Гулистон”-и шаҳри Панҷакент, ки бо номи “Латтабозор” машҳур аст, шаби 12 ба 13-уми ноябри соли 2025 сар зад.
