Кормандони милитсия дар шаҳри Душанбе мардеро боздошт намудаанд, ки манзили зисти худро ба фоҳишахона табдил дода, барои айшу ишрат кардан ба шахсони ишратпараст шароит фароҳам меовардааст.
“Дар натиҷаи санҷишҳои оперативӣ аз ҷониби кормандони Шуъбачаи шаҳрии милитсияи ШВКД-1 н. Шоҳмансур барои ташкил намудани фоҳишахона Қурбонов Аҳмад, сокини 46-солаи ш. Душанбе дастгир карда шуд. Номбурда манзили истиқоматии худро, ки дар кӯчаи С. Айнӣ ҷойгир аст, ба фоҳишахона табдил дода, ба шаҳрвандон барои иҷрои амалҳои шаҳвонӣ шароит фароҳам сохта, аз ин ҳисоб манфиати пулӣ ба даст меовардааст”,- омадааст дар хабар.
Тафтишот аз ҷониби мақомот идома дорад.
