Кормандони милитсия дар ноҳияи Шоҳмансури шаҳри Дқушанбе 3 писарбачаи наврасро бо гумони дуздии маблағи калони пулӣ боздошт намуданд. Гуфта мешавад, ки ин кӯдакон 185000 рубли русиро ба яғмо бурдаанд.
Тибқи иттилои мақомоти милитсия, 3 нафар наврасон дар кӯчаи Мастонгулови шаҳри Душанбе шишаи мошини “Toyota”-ро, ки ба сокини шаҳри Душанбе Н. Абдуназаров тааллуқ дорад, шикаста, аз дохили мошин 185 000 рубли русӣ ва 2 телефони мобилиро ғорат кардаанд.
Тафтишоти ин ҳодиса аз ҷониби мақомот идома дорад.
