Дар доираи сафари кории “Корвони саломатӣ” ба шаҳри Бохтари вилояти Хатлон сардори Раёсати хизматрасониҳои тиббӣ ва технологияҳои муосири Вазорати тандурустӣ ва ҳифзи иҷтимоии аҳолӣ Холмирзо Давлатзода аз рафти фаъолияти Беморхонаи марказии шаҳри Бохтар дидан кардааст.
Бино ба иттилои дафтари матбуоти Вазорати тандурустӣ ва ҳифзи иҷтимоии аҳолии кишвар, зимни боздиди хеш намояндаи вазорат бо фаъолияти кории шуъбаҳои қабул, бемориҳои амрози даруна, эҳёгарӣ, ҷарроҳӣ ва таваллудхонаи беморхонаи мазкур шинос шудааст.
- Номбурда баъди шиносоӣ бо шароити корӣ, таҳҷизоти тиббие, ки беморхона дар ихтиёр дорад, инчунин бо табибон ва ҳамшираҳои тиб суҳбат карда, баҳри бартараф кардани камбудиҳо, баланд бардоштани сатҳи хизматрасонии тиббӣ ба аҳолӣ ва риояи одоби муошират бо беморон ва наздикони онҳо дастуру маслиҳатҳо дод,- меафзояд манбаъ.
