Агентии хизмати давлатии назди Президенти Ҷумҳурии Тоҷикистон дар ҳамкорӣ бо Вазорати тандурустӣ ва ҳифзи иҷтимоии аҳолӣ дар ҷаласаи якуми гурӯҳи кории байниидоравӣ номгӯйи бемориҳоеро, ки барои иҷрои уҳдадориҳои мансабии хизматчиёни давлатӣ монеъ мегарданд, муайян намуд.
Дар ин бора фармоиши якҷояи Раёсати хизмати давлатии назди Президенти Ҷумҳурии Тоҷикистон ва Вазорати тандурустии Ҷумҳурии Тоҷикистон содир гардида, мавриди амал қарор дорад, вале аз қабули санади мазкур аллакай зиёда аз 10 сол гузашта, имрӯз , зарурати такмили он ба миён омадааст.
Рушди устувори техника ва навгониҳои тоза дар соҳаи тиб бознигарӣ намудан ба фармоиши амалкунандаи соҳаи хизмати давлатиро тақзо менамояд. Аз ҳамин хотир Агентии хизмати давлатии назди Президенти Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ дар ҷаласаи якуми гурӯҳи кории байниидоравӣ номгӯйи бемориҳоеро, ки барои иҷрои уҳдадориҳои мансабии хизматчиёни давлатӣ монеъ мегарданд, муайян намуданд.
