Соли равон дар фазои иттилоотии кишвар боз як шабакаи нав пайдо шуда, “Радиои Сафина” ба фаъолият шуруъ хоҳад кард. Дар ин бора имрӯз зимни нишасти хабарӣ роҳбари нави “ТВ-Сафина” Садриддини Шамсиддин иттилоъ дод.
“Барои фаъолияти “Радиои Сафина” тақрибан 70%-и корҳои зарурӣ алакай анҷом дода шудаанд. Имсол “ТВ-Сафина” ҷашни 20-солагии худро таҷлил менамояд. Мо нақша дорем, ки то ин ҷашн пахши барномаҳои “Радиои Сафина”-ро низ оғоз намоем”,- гуфт зимни нишасти хабарӣ Садриддини Шамсиддин.
“ТВ-Сафина” дар соли 2025 чандин лоиҳаҳои навро амалӣ карданист, ки барномаи адабии маҳфили Мавлонохонӣ, сабти барномаҳои ҳаҷвӣ ва новеллаҳои телевизионии тарбиявӣ аз ҳамин қабил мебошанд.
