Ба Бахтиёр Раҳимов пас
аз маргаш унвон доданд
Ба ҳаҷвнигори шинохтаи тоҷик Бахтиёр Раҳимов пас аз маргаш унвони фахрии Ҳунарманди шоистаи Тоҷикистон дода шудааст. Дар ин бора дӯсти наздики марҳум, ҳаҷвнигори маъруф Ташриф Халилов дар шабакаи "Инстаграм" хабар дода, гуфтааст, ки унвон дар рӯзи зодрӯзи Бахтиёр Раҳимов ба ӯ тақдим шудааст.
Ёдрас мешавем, ки Бахтиёр Раҳимов асосгузор ва раҳбари гурӯҳи ҳаҷвии "Ғарибшо-Компания“ буда, қариб 30 сол барои рушди ҳаҷви тоҷик хизматҳои шоиста намуд. Ин ҳунарманди хушзавқ бо ҳаҷвҳои намакинаш камбудиҳо ва мушкилоти гуногуни ҳаёти ҷомеъаро дар саҳна намоиш медод.
Агар умр вафо мекард, имсол Бахтиёр Раҳимов 57 сола мешуд, вале ин ҳаҷвнигори машҳур рӯзи 30-юми июн ба таври ногаҳонӣ бар асари якбора паст шудани фишори хунаш дар осоишгоҳи Шоҳамбарӣ аз олам даргузашта, 1-уми июл дар зодгоҳаш ба хок супурда шуд.
