Як ҷавони 34-сола дар Дарвоз, ки барои чидани чукрӣ ба кӯҳ рафта будааст, ба ҳалокат расидааст.

Бино ба иттилои Кумитаи ҳолатҳои фавқулода ва мудофиаи граждании кишвар, "азбаски замин дар кӯҳҳо пас аз боронҳои тӯлонӣ лағжон буд, мард лағжидаву дар натиҷа аз баландии 60 метр афтода, дар ҷои ҳодиса ба ҳалокат расидааст".

Кумита ба сокинон ҳушдор додааст, ки ҳоло мавсими боронҳост ва зимни баромадан ба кӯҳ эҳтиёткор бошанд.