Ҷасади Қобилҷон Алиев, навраси 10-солаи тоҷик, ки дар Русия кушта шуд, субҳи 18-уми декабр ба Ватан оварда шуд.
Маросими ҷаноза ва видоъ бо ӯ имрӯз, соати 10:00 дар деҳаи Чептураи ноҳияи Шаҳринав баргузор мешавад.
Қобилҷон Алиев рӯзи 16-уми декабр дар пайи ҳамлаи як навраси 15-сола ва шаҳрванди Русия ба мактабе дар ноҳияи Одинсовои вилояти Маскав ба ҳалокат расидааст. Ҳодиса вокуниши ҷомеа ва мақомотро ба бор оварда, зери таваҷҷуҳи ниҳодҳои расмӣ қарор дорад.
