Дар рӯзи Иди Саиди Фитр, санаи 31-уми марти соли равон ҷисми беҷони як духтари 17-солаи панҷакентиро аз Кӯли Ҷавонони шаҳри Душанбе пайдо кардаанд.
Дар ин бора Кумитаи ҳолатҳои фавқулода ва мудофиаи граждании Тоҷикистон хабар додааст.
Бино ба иттилои манбаъ, марҳум сокини деҳаи Артучи шаҳри Панҷакент будааст, вале маълум нест, ки духтар даст ба худкушӣ задааст ё тасодуфан ғарқ шудааст.
Ҷасади духтарро ба мақомоти ҳифзи ҳуқуқ супурдаанд.
