Дар Исфара барои баргузор намудани маросимҳои домодталбон ва арӯсбинон шахсеро ба маблағи 9 ҳазору 360 сомонӣ ҷарима кардаанд.
Дар қарори додгоҳ омадааст, ки маҳкумшуда Д. Б. дар манзили зисташ маросими домодталбон ва арӯсбинонро берун аз доираи оила бо иштироки 22 меҳмон баргузор намудааст.
Дар пайи ин амал нисбати Д. Б. барои риоя накардан ба талаботи қонуни танзими ҷашну маросим бо қисми 2-и моддаи 481-и Кодекси ҳуқуқвайронкунии маъмурии Тоҷикистон парвандаи маъмурӣ боз шуда, номбурда ба маблағи 9 ҳазору 360 сомонӣ ҷарима баста шудааст.
