Чашмро беҳуда “оинаи дил” нагуфтаанд. Ҳолати инсонро пеш аз ҳама аз чашмонаш фаҳмидан мумкин аст. Барои он ки дар атрофи чашмони шумо ожангҳои бармаҳал пайдо шуда, ҳуснатонро коста насозанд, имрӯз 4 ниқоби муъҷизаноки табииро пешкашатон месозем. Ин ниқобҳо ожангҳои атрофи чашмро ҳамвор намуда, ба чашмони шумо - бонувони азиз таровату зебоии ҷавонӣ мебахшанд.

Ниқоб аз лӯбиё ва қаймоқ

1 қошуқча пюреи гарми картошкагиро бо 1 қошуқча лӯбиёи

обпази кӯфташуда, равғани зайтун ё бодом, 1 қошуқча сметана ё саршири равғанин ва орд омехта карда, ниқоби тайёршударо ба пӯсти атрофи чашмон молидан лозим аст. Ниқобро метавонед 10-15 дақиқа нигоҳ дошта, баъдан бо оби хунук шӯед. Ҳар як ниқобро баъд аз 3-4 рӯз дар давоми 5-7 ҳафта тайёр кардан лозим аст.

Ниқоб аз афлесун

Камакак шарбати афлесунро ба он зардии латзадаи тухм, 1 қошуқча асал ва 1 қошуқ равғани зайтун илова карда, дар пӯсти гирди чашм 10-15 дақиқа моледу бо оби ширгарм шӯед.

Ниқоб аз банан

Ними бананро нағзакак лат зада, ба он 1 қошуқча равғани растанӣ ва 1 қошуқча саршир илова карда, ниқобро дар пӯсти атрофи чашмонатон 15-20 дақиқа нигоҳ дореду баъд бо оби ширгарм шӯед.

Ниқоб аз сабзӣ

Сабзиро пӯст карда, аз турбтароши сӯрохиҳояш хурд гузаронед ва ба он зардии 1 тухму 2 қошуқ оҳари картошкаро илова карда, нағзакак омезиш диҳед. Ниқобро ба пӯсти атрофи чашмон молида, баъди 20 дақиқа бо оби ширгарм шӯед.

Таҳияи НОДИРА