Саъдуллоев Мумтоз Асадуллоевич, сокини 55-солаи ш. Душанбе, ки барои содир намудани ҷиноятҳои қаллобӣ дар ҳаҷми махсусан калон, бо моддаи 247, қисми-4 Кодекси ҷиноятии Ҷумҳурии Тоҷикистон дар ҷустуҷӯи расмӣ қарор дошт, аз ҷониби кормандони Шуъбаи кофтукови ҷиноятии Раёсати ВКД дар шаҳри Душанбе дастгир карда шудааст.
Бино ба иттилои РВКД, номбурда зимни фаъолият ба ҳайси роҳбари ширкатҳои сохтмонии "Муҳандис-2014" ва "Мумтоз" як манзили истиқоматиро ба аз 3 то 8 нафар шаҳрванд ба фурӯш гузошта, шумораи зиёди шаҳрвандонро фиреб додааст. Зарари расонидашуда беш аз 100 миллион сомониро ташкил медиҳад.
Айни замон номбурда дар ҳабси пешакӣ қарор дошта, тафтишот идома дорад.
Аз шаҳрвандон хоҳиш карда шудааст, ки агар мавриди фиреби Саъдуллоев М. қарор гирифтаанд, тавассути рақамҳои (+992) 018-02-02-02 ба милитсияи пойтахт муроҷиат намоянд.
