Ҳамал (21 март-20 апрел)
Имрӯз масъалаҳои ишқу муҳаббат ба ҷои дуюм мегузаранд. Бештари вақти худро ба кор ва корҳои рӯзгор мебахшед. Дар оила вазъ ором мешавад ва мушкилоти ҳамсар низ тадриҷан ҳал мегарданд. Дар кор сабру тоқат нишон диҳед ва аз баҳс бо роҳбарону ҳамкорон худдорӣ кунед. Бахти молиявӣ ҳамроҳатон хоҳад буд, вале хароҷотро зери назорат гиред. Барои пешгирии хастагӣ бештар истироҳат кунед.
Савр (21 апрел-21 май)
Барои муҷаррадон имкони хуби пайдо кардани шахси дӯстдошта фаро мерасад. Агар фурсатро аз даст надиҳед, муносибати хуб оғоз меёбад. Имрӯз эҳсосотро идора кунед ва қонунҳоро вайрон насозед. Дар кор шартномаҳои судманд ва даромаднок имкон доранд. Кӯшиш кунед дар хона низ фазои мусбатро нигоҳ доред. Барои беҳтар шудани саломатӣ ба мустаҳкам кардани масуният аҳамият диҳед.
Ҷавзо (22 май-21 июн)
Муваффақияти имрӯз бештар дур аз хона интизори шумост. Барои муҷаррадон шиносоии ҷолиби ошиқона имконпазир аст. Ба аҳли оила бештар меҳрубонӣ кунед, онҳо низ метавонанд такягоҳи шумо бошанд. Ҳангоми кор шитоб накунед ва ҳар қарорро бодиққат қабул кунед. Аз хариди калон ва таваккал худдорӣ намоед. Агар меъдаатон нороҳат шавад, вақти иваз кардани тарзи ғизо фаро расидааст.
Саратон (22 июн-22 июл)
Ба ҳисси худ бовар кунед ва аз нишон додани эҳсосот наҳаросед. Рӯзи хубест барои ҷамъ кардани аҳли хона, зиёфат ё суҳбат бо хешовандон. Дар кор вохӯриҳои ғайричашмдошт метавонанд ба ояндаи шумо таъсири мусбат расонанд. Аз имрӯз пасандоз карданро оғоз кунед, ҳатто агар маблағ кам бошад. Агар аз саломатӣ шикоят доред, аз муоинаи тиббӣ нагурезед.
Асад (23 июл-23 август)
Муносибатҳои ошиқонаи шумо рӯз ба рӯз мустаҳкамтар мешаванд. Имрӯз барои тартиб додани нақшаҳои оянда хеле мувофиқ аст. Вазифаҳои душвори фикриро ба вақти дигар гузошта, бештар корҳои одиро анҷом диҳед. Барои пешгирии мушкилоти молиявӣ хароҷоти худро пешакӣ ба нақша гиред. Энергияи зиёд доред, аз ин рӯ машқҳои ҷисмонӣ ва варзиш ба шумо фоидаи калон меоранд.
Сунбула (24 август-23 сентябр)
Имрӯз барои муҳаббат ва шиносоии нав рӯзи мусоид аст. Эҳтимол шахсе ба ҳаёти шумо ворид шавад, ки дар оянда нақши муҳим мебозад. Дар муносибат бо наздикон каме пӯшида будани шумо онҳоро ҳайрон мекунад. Кӯшиш кунед дӯстиро аз масъалаҳои молиявӣ ҷудо нигоҳ доред. Шомро бо истироҳат ё машқҳои оромбахш гузаронед ва ба сутунмуҳра бори зиёд надиҳед.
Мизон (24 сентябр-23 октябр)
Аз гузашта дилбастагӣ накунед ва ба пеш ҳаракат кунед. Ба зудӣ имкони сафар бо наздикон пайдо мешавад, ки муносибатҳоро боз ҳам мустаҳкам мекунад. Дар кор эҳтимоли болоравии мансаб вуҷуд дорад, агар худро хуб нишон диҳед. Ба касе қарз надиҳед, зеро бозпас гирифтани он душвор мешавад. Барои рафъи хастагӣ ба шуғли дӯстдошта ё истироҳати ором вақт ҷудо кунед.
Ақраб (24 октябр-22 ноябр)
Имрӯз ҷозибаи шумо бештар мешавад ва таваҷҷуҳи дигаронро ба худ ҷалб мекунед. Бо вуҷуди ин, ба аҳли оила бештар вақт ҷудо кунед, зеро онҳо ба меҳру таваҷҷуҳи шумо ниёз доранд. Корҳое, ки дер боз ба таъхир меафтоданд, пеш мераванд ва имкони даромади хуб низ пайдо мешавад. Агар мушкили саломатӣ доред, ташрифи духтурро ба таъхир нагузоред.
Қавс (23 ноябр-21 декабр)
Рӯз барои мулоқоти ошиқона хеле мусоид аст. Дар хона фикри худро ба дигарон маҷбур накунед ва ба андешаи ҳар узви оила эҳтиром гузоред. Дар масъалаҳои корӣ тамоми қувваро ба пешрафти касбӣ равона созед, зеро роҳбарият идеяҳои шуморо дастгирӣ мекунад. Имрӯз барои хариди калон вақти муносиб нест. Гаштугузор дар ҳавои тоза рӯҳияатонро беҳтар мекунад.
Ҷаддӣ (22 декабр-20 январ)
Имрӯз муҳаббат ва гармии эҳсосот зиндагии шуморо равшан месозад. Бо ҳамсар ё дӯстдоштаатон орзуҳо ва нақшаҳои худро дар миён гузоред. Муҳити ороми хона ба шумо нерӯи тоза мебахшад. Агар мехоҳед дар кор пешрафт кунед, имрӯз қадами муфид гузоред. Вазъи молиявиро бодиққат ба нақша гиред, зеро хароҷоти ғайричашмдошт имкон дорад. Барои нигоҳубини худ ва варзиш низ вақт ҷудо кунед.
Далв (21 январ-20 феврал)
Рӯзи мусоид барои оғоз кардани муносибати ошиқона аст. Масъалаҳои молиявии оилавиро якҷоя ҳал намоед, зеро ин натиҷаи хуб медиҳад. Дар кор оромӣ ва диққатро нигоҳ доред, ҳатто агар ихтилофи назар пайдо шавад. Аз гирифтани қарз худдорӣ кунед, баргардонидани он осон нахоҳад буд. Барои пешгирии хастагии асаб худро аз кори зиёдатӣ эҳтиёт кунед.
Ҳут (21 феврал-20 март)
Дар ҳаёти ошиқона тағйироти хуш ба амал меояд ва заҳматҳои шумо самар медиҳанд. Ба ҷузъиёти хурд диққат диҳед, зеро онҳо метавонанд ба хушбахтии оилавӣ мусоидат кунанд. Дар кор масъулиятшиносӣ ва таҳлилгарии шумо боиси эҳтироми роҳбарият мегардад. Ҳангоми кор бо ҳуҷҷатҳо бодиққат бошед. Аз хароҷоти нолозим, гум шудани ашё ва хастагии ҷисмониву рӯҳӣ эҳтиёт кунед.
