Ҳамал (21 март-19 апрел)
Нимаи дуюми рӯз эҳсос мекунед, ки ба танҳоӣ ниёз доред. Ин фурсат ба шумо имкон медиҳад, ки фикрҳо ва эҳсосоти худро ба тартиб оред. Муоширати ором дар хона муносибатҳоро бо ҳамсар ё дӯстдоштаатон мустаҳкам мекунад. Имрӯз дар маркази диққат будан шарт нест. Дар масъалаи пулӣ эҳтиёт кунед, зеро хароҷоти нолозим имкон дорад. Аз баҳс бо одамони ношинос дурӣ ҷӯед.
Савр (20 апрел-20 май)
Имрӯз ихтилофҳои хурд рух дода метавонанд, аммо нагузоред онҳо рӯҳияатонро вайрон кунанд. Барои нафарони танҳо эҳтимоли вохӯрии ҷолиб ҳангоми сафар вуҷуд дорад. Корҳоятон зиёд мешаванд, бинобар ин диққатнокӣ ва сабр лозим аст. Дар масъалаи молия эҳтиёткор бошед, вақти гирифтани қарз нест. Ба саломатӣ аҳамият диҳед: аз ғизои равғанин ва нӯшокиҳои спиртӣ худдорӣ намоед.
Ҷавзо (21 май-20 июн)
Имрӯз дастгирии наздикон барои шумо хеле муҳим мешавад. Муносибат бо ҳамсар осон нест, барои оштишавӣ бояд кӯшиш кунед. Фурсати хуб барои андеша дар бораи иваз кардани касб фаро мерасад, вале пеш аз қабули қарор ҷойи кори нав ёбед. Бахт бо шумост: созишҳои корӣ ва харидҳои калон муваффақ мешаванд. Аз ғизои вазнин парҳез кунед, то саломатӣ осеб набинад.
Саратон (21 июн-22 июл)
Ба суханҳои ширини одамони тасодуфӣ бовар накунед, зеро онҳо метавонанд зарар расонанд. Аз муҳокима ва танқиди дигарон худдорӣ намоед. Агар масъулият нишон диҳед, заҳмати шумо аз ҷониби роҳбарият қадр мешавад. Нимаи дуюми рӯз эҳтимоли хароҷоти нолозим вуҷуд дорад. Агар имкон бошад, шомро бо шахси бароятон наздик гузаронед. Ҳаммом ё сауна фоидаовар аст, вале аз ҳад зиёд гарм нашавед.
Асад (23 июл-22 август)
Имрӯз нафарони муҷаррад диққат ва таваҷҷуҳи зиёд мебинанд. Ба маслиҳати калонсолон пурра такя кардан шарт нест, зеро онҳо метавонанд иштибоҳ кунанд. Норозигиҳои кӯҳна фаромӯш мешаванд ва дар муносибатҳо давраи мусбат оғоз меёбад. Пешниҳоди нави корӣ имкон дорад, онро бо дудилагӣ рад накунед. Шом барои харид мувофиқ аст. Дар ғизо қанд ва таоми равғанинро кам кунед.
Сунбула (23 август-22 сентябр)
Имрӯз мефаҳмед, ки суханҳои ҳамсарро аз ҳад ҷиддӣ гирифтан лозим нест. Хабари ногаҳонӣ метавонад нақшаҳои шуморо тағйир диҳад. Ба дархости аҳли хона беэътиноӣ накунед, аммо ҳама корро зери назорат гиред. Ба пешрафти касбӣ ва молия диққат диҳед. Эҳтиёт кунед, зеро афсурдагӣ халал мерасонад. Машғулиятҳои писандида рӯҳия ва нерӯятонро беҳтар мекунанд.
Мизон (23 сентябр-22 октябр)
Имрӯз эҳтимоли пайдо шудани ишқи нав вуҷуд дорад. Ба ҳисси ботинии худ бовар кунед ва ба фикри дигарон зиёд такя накунед. Аз ҳар гуна фиребу дурӯғ дурӣ ҷӯед. Иваз кардани ҷои кор ҳоло мувофиқ нест. Харидҳои калонро ба рӯзи дигар гузоред. Имрӯз исрофкор мешавед. Ба ҷиҳатҳои хуши зиндагӣ диққат диҳед ва нақшаҳои деринаро амалӣ намоед.
Ақраб (23 октябр-21 ноябр)
Имрӯз ба рӯйдодҳои ҷолиб омода бошед, шахси дӯстдоштаатон шуморо ҳайрон мекунад. Вазъи хона ва муносибат бо ҳамкорон тадриҷан беҳтар мешавад. Дар масъалаи молиявӣ тағйирот ҳаст, вале тавозун нигоҳ дошта мешавад. Хароҷоти зиёд бо мукофоти ногаҳонӣ ҷуброн мегардад. Ба эҳсосоти худ диққат диҳед, зеро воқеаҳои имрӯз бозгӯи ҳолати ботинии шумоянд.
Қавс (22 ноябр-21 декабр)
Имрӯз барои танҳоён вақти муносиб барои оғоз кардани ишқбозӣ нест. Кӯшиш кунед муоширатро бо ҳамсар камтар кунед ва асабонӣ нашавед. Дар қарорҳои худ устувор бошед. Нимаи аввали рӯз пешрафти молиявӣ меорад ва вобастагӣ аз қарз кам мешавад. Муносибат бо ҳамкорон беҳтар мегардад. Ба тарзи ғизо диққат диҳед ва одатҳои солимро интихоб намоед.
Ҷаддӣ (22 декабр-19 январ)
Имрӯз метавонед ба ҳамкори худ бо чашми дигар нигаред ва ҳамфикр буданатонро дарк кунед. Дар оила фазои ором ва ҳамдигарфаҳмӣ ҳукмфармо мешавад. Ба наздикон бештар вақт ҷудо намоед. Аз тағйири усулҳои кӯҳна наҳаросед, имкони навоварӣ пайдо мешавад. Қадамҳои саривақтӣ вазъи молиявиро беҳтар мекунанд. Асабҳоро эҳтиёт намоед, зеро стресс ба саломатӣ таъсири манфӣ мерасонад.
Далв (20 январ-18 феврал)
Дар муносибатҳои ошиқона эҳтиёт бошед, зеро эҳтимоли баҳси ҷиддӣ вуҷуд дорад. Имрӯз оромиву сабурӣ муҳим аст. Давраи нави фаъолият оғоз меёбад ва имкони пешрафти касбӣ фаро мерасад. Агар ҳушёр бошед, ин фурсатро аз даст намедиҳед. Имкони даромад аз шуғли дӯстдошта низ вуҷуд дорад. Аммо нишастани зиёд ва стресс ба саломатӣ таъсир мерасонад, бештар ҳаракат кунед ва реҷаи рӯзро беҳтар созед.
Ҳут (19 феврал-20 март)
Дар атрофатон шахсе ҳаст, ки ба шумо таваҷҷуҳ дорад, аммо агар оиладор бошед, аз ишқбозӣ худдорӣ намоед. Ҳодисаҳои ногаҳонӣ метавонанд ба зиндагии хонаводагӣ ранги нав бахшанд. Барои оғозҳои нав фурсати хуб аст. Аз худ талаботи зиёдатӣ накунед, истироҳат ба қарорҳои дуруст баровардан кумак мекунад. Рӯз барои анҷоми корҳо ва омодагӣ ба истироҳат мувофиқ аст. Ба саломатии ҷисмонӣ ва равонӣ аҳамият диҳед.
