Ҳамал (21 март-19 апрел)
Имрӯз зиндагӣ суръати нав мегирад ва шумо лаззати онро эҳсос мекунед. Атрофиён ба шумо бо чашми дигар менигаранд ва аз кору рафторатон ҳавас мекунанд. Ҳолати рӯҳии шумо ба оромии хона вобаста аст, бинобар ин беҳтар кардани муҳити хона фоида меорад. Дар кор имкони нишон додани таҷриба ва маҳорати худ пайдо мешавад. Эҳтимол шартномаи муҳим имзо кунед, ҳуҷҷатҳоро бодиққат хонед. Рӯз пурэнергия ва бобарор аст.
Савр (20 апрел-20 май)
Қисмат ба шумо имкони хуб медиҳад, то муносибатро бо шахси дӯстдошта равшан кунед. Ин фурсатро аз даст надиҳед. Ба хона ва бароҳатии он диққат диҳед, тағйироти хурд ҳам фоида меорад. Рӯзи серкорӣ аст, ҳам бо кор ва ҳам бо атрофиён вобаста мешавад. Ҷиддият ва масъулияти шумо эҳтироми ҳамкоронро меафзояд. Дар масъалаи харидуфурӯш эҳтиёт кунед. Ғизои солим, мева ва сабзавот қуввату кайфиятро беҳтар месозанд.
Ҷавзо (21 май-20 июн)
Имрӯз шахсе, ки ба шумо писанд аст, диққати ҳамаро ҷалб мекунад ва шумо худро махсус эҳсос мекунед. Агар нофаҳмиҳо зиёд бошанд, сабабаш гӯш надодан аст. Кӯшиш кунед созиш намоед. Рӯз аз шумо амалҳои ҷиддиро талаб мекунад. Агар бекор нишинед, бегоҳ норозӣ мешавед. Имкони даромади иловагӣ ҳаст. Ба саломатӣ, махсусан дилу фишори хун диққат диҳед, аз асабонӣ шудан дурӣ ҷӯед.
Саратон (21 июн-22 июл)
Дар ҳаёти шахсӣ фазои ошиқона ҳукмфармост. Муҳаббати нав наздик аст. Аз кори ҳаррӯза каме дур шавед ва ба худ истироҳат диҳед. Рӯзи хуб барои суҳбатҳои корӣ, масъалаҳои молиявӣ ва банақшагирӣ мебошад. Сухани шуморо бодиққат мешунаванд. Имкони сармоягузориро баррасӣ кунед. Ба ҳолати меъда аҳамият диҳед, аз пурхӯрӣ худдорӣ намоед, ин калиди саломатии шумост.
Асад (23 июл-22 август)
Имрӯз занони мучал диққати мардонро ҷалб мекунанд, аммо на ҳама нияти ҷиддӣ доранд. Агар муносибат бароятон муҳим бошад, эҳсосотро идора кунед ва андешаи ҳамсафаратонро қабул намоед. Дар кор эҳтиёт лозим аст, эҳтимоли хатоӣ вуҷуд дорад. Бо ҳамкорон оромона рафтор кунед. Рӯзи хуби молиявист, эҳтимол даромади пулӣ пайдо шавад. Варзиш, салони зебоӣ ё тағйири симо кайфиятро беҳтар мекунад.
Сунбула (23 август-22 сентябр)
Агар ҳанӯз муҳаббати худро наёфта бошед, ғамгин нашавед, шиносоии ошиқона дар пеш аст. Аз гуфтани суханҳои сахт худдорӣ кунед, зеро сухани бад метавонад дилшикан бошад. Дар ҷои кор рӯзи муваффақ аст: идеяҳои нав ва нақшаҳои ҷолиб доред. Роҳбарият кӯшишҳои шуморо қадр мекунад, аммо аз ҳад зиёд кор нагиред. Барои савдо ва масъалаҳои иқтисодӣ рӯз хеле хуб аст. Барои варзиш ва нигоҳубини худ вақт меёбед.
Мизон (23 сентябр-22 октябр)
Агар дар зиндагиятон нофаҳмӣ бошад, имрӯз беҳтарин вақт барои суҳбати ошкоро аст. Ростқавлӣ мушкилотро осон ҳал мекунад. Қарори муҳимро бо маслиҳати наздикон қабул кунед. Бо аҳли хонадон сабур бошед. Рӯзи сермаҳсул аст, корҳои душвор осон ҳал мешаванд. Ба хароҷот диққат диҳед, исрофкорӣ накунед. Эҳтимоли мушкили дандон ҳаст, агар дер боз ният дошта бошед, вақти рафтан ба духтур расидааст.
Ақраб (23 октябр-21 ноябр)
Имрӯз бо дӯстдоштаатон самимӣ бошед, он гоҳ муносибат гармтар мегардад. Ғамхорӣ ва диққати бештар хушҳолӣ меорад. Рӯзи хуб барои сайругашти оилавӣ ва ҳавои тоза аст. Барои муошират бо шахсони муҳим ва корҳои ҳуҷҷатӣ фурсати мусоид мебошад. Мушкилиҳои молиявӣ осон ҳал мешаванд. Аммо ба саломатӣ аҳамият диҳед, баъд аз нисфирӯзӣ масъулият бештар мешавад. Худро ва наздиконро эҳтиёт кунед.
Қавс (22 ноябр-21 декабр)
Имрӯз ҳодисае рух медиҳад, ки аз он метарсидед, вале натиҷааш хуб мешавад. Шахси ношинос пешниҳоди ҷолиб мекунад. Дар хона оромӣ кам мешавад, эҳтимоли баҳс ҳаст. Ҳар қадар бештар меҳнат кунед, ҳамон қадар пешравӣ эҳтимол дорад, аммо саломатиро фаромӯш накунед. Дар хароҷот эҳтиёт бошед, уҳдадориҳои ногаҳонӣ имконпазир аст. Дар роҳ хеле бодиққат бошед, новобаста аз он ки пиёда ё ронанда ҳастед.
Ҷаддӣ (22 декабр-19 январ)
Шумо вақтҳои охир зеботар ба назар мерасед ва ин диққати дигаронро ҷалб мекунад. Суҳбат бо шумо барои бисёриҳо ҷолиб аст. Кӯшиш кунед масъулиятҳоро дар хона тақсим кунед. Тозакорӣ ва ба тартиб овардани корҳо фоида меорад. Ҳуҷҷатҳои муҳимро имзо накунед ва нақшаҳои калон насозед. Ба ғизо аҳамият диҳед, хӯроки носолим метавонад ба пӯсти рӯятон таъсири манфӣ расонад.
Далв (20 январ-18 феврал)
Бо нафаре, ки ба шумо писанд аст, зуд-зуд вомехӯред, вале вохӯрии ҷиддӣ намешавад. Хабари нохуш оромии хонаводагиро халалдор мекунад. Дар касбу кор ҳар чизро ду бор санҷед, то мушкил нашавад. Ба масъалаҳое машғул мешавед, ки дер боз фикратонро банд кардаанд. Бо пул сарукор нагиред: қарз, кредит ё нақшаи молиявӣ мувофиқ нест. Ба саломатӣ аҳамият диҳед, ба шумо истироҳат лозим аст.
Ҳут (19 феврал-20 март)
Шахси дӯстдошта мехоҳад чизе муҳим бигӯяд, вале ҳанӯз омода нест. Фишор наоред, бигзор худаш суҳбатро оғоз кунад. Рӯзи хуб барои таъмир ё навсозии хона аст. Дар кор аз шумо кӯшиш ва фикри ғайристандартӣ талаб мешавад. Пеш аз хоб худро ором кунед. Хароҷоти ногаҳонӣ шуморо водор мекунад даромади иловагӣ ҷӯед. Қарз гирифтан хуб нест. Ба саломатӣ диққат диҳед, махсусан аз ҷойҳои серодам дурӣ ҷӯед.
