Тоҷикистон ва Ӯзбекистон ният доранд ҳамкории худро дар самти назорати санитарӣ ва пешгирии бемориҳои сироятӣ дар минтақаҳои наздисарҳадӣ тақвият диҳанд.

Тибқи лоиҳаи пешниҳодшуда, дар нуқтаҳои гузаргоҳи Фотеҳобод дар Тоҷикистон ва Ойбек дар Ӯзбекистон ҳамкории сохторҳои дахлдори ду кишвар бештар карда мешавад. Ҳадафи ин иқдом пешгирӣ аз паҳншавии бемориҳои сироятӣ ва таҳкими назорати санитарӣ дар минтақаҳои марзӣ мебошад.

Ба иттилои UzDaily, мутахассисони ду кишвар ҳамчунин ниёзҳои тиббии сокинони минтақаҳои наздисарҳадиро меомӯзанд.