Имрӯз, 20 май Шӯрои уламои Тоҷикистон санаи Иди саиди Фитрро муайян намуд.

Дар қарори Шӯрои уламо омадааст, рӯзи якшанбе, 24-уми май мардуми Тоҷикистон Иди фитрро таҷлил хоҳанд гирифт.

Дар қарори Шӯрои уламо омадааст, ки вобаста ба эпидемияи коронавирус ҳар як бандаи мусулмон дар манзили зисташ намозгузорӣ намояд.

Тибқи ин қарор садақаи фитр ба ниёзмандону бенавоён ва закот дар баробари ба ниёзмандону маъюбон, ятимон, инчунин ба суратҳисоби махсуси ёрӣ ба беморони COVID-19 супорида шавад.

МАНБАЪ: ПРЕССА.ТЧ