Дар шаҳри Душанбе ба муносибати ҷашни “Меҳргон” хатсайри сайёҳии ройгон ташкил карда мешавад.
Ин хатсайр рӯзи 19-уми октябр бо ташаббуси шаҳрдории пойтахт роҳандозӣ мешавад. Ба иттилои расмӣ, хатсайри сайёҳӣ бо ҷалби дипломатҳо, донишҷӯёну сайёҳони хориҷӣ ва рӯзноманигорон доир карда мешавад.
Дар ин хатсайр роҳбаладон дар мавриди ҷашни “Меҳргон” ва имкониятҳои сайёҳии пойтахт бо забонҳои тоҷикӣ, англисӣ ва русӣ маълумот медиҳанд.
Вақт ва макони ҷамъшавии ширкаткунандагон: соати 08:00 дар назди Муҷассамаи Исмоили Сомонӣ.
Оғози ҳаракат: соати 08:30.
